وشین وطن مئی وطن مکران

دا ئم ببا تی كامران

وشین وطن مئی وطن مکران

دا ئم ببا تی كامران

آباد و سبز و میزران

هر وقت كه تئی نام ءَ گران

5- تئی بو چو مسك ءَ بیت زران

سیه ببد وبرزین تیهران

گپ ءَ جننت گون جمبران

تئی سرشم و درنگ دران

درٌ و صیادی سنگران

10- تئی كلٌگ و تئی آپ سران

سبزین گونگ گون زامران

خوشبو تر انت از زاعفران

كولگ گون شیر كمبین گران

كور دپ گون داز كیلٌران

15- تئی كوچگ و تئی كهچران

سولین كهیر گون شنكران

جُگر و كهیر و كلپران

شیرین تر انت از شٌكران

جوپاك پلی په بی دران

20-برنج رون مر اهی شامگران

نشته دنی چو گونران

دستورءَ‌ دنت په چاكران

كشٌنت په سربارگران

گرامانی چیرا تتٌران

25- پند وك مه گواپان پشكران

هوش ءَ‌چننت كِرٌ گوران

كتٌ ء كننت چو تاجران

كندنت گون زالان اندران

هامین گون پلٌین پتٌران

30- با نجیك ءِ بهرانت بزگران

انسان و مرغ و رستران

كنٌج په وار ولنگران

دهقان گون تورء شیك وران

برزین گر یلانی سرءَ‌

35- گورشان چو شینكی تكران

ایوند چو مارا شیب گران

پونچن چو مورءَ سر سران

گون پات و كپات و كمبران

لو ریگ گون تیه تمبران

40- مولد گون نازینك و سران

ناچی گون صوت و زیمران

شاده كتگ روش آروان

تئی لنجین تیاب و بندران

دریا گون وا د و كلران

45 – بوجیگ گون لوهین ننگران

مچٌو گون آماهی گران

كاینت چه نیل بوئین زران

گون سارم و تِگلِم و لوجران

دل سوكءَ‌ بنت حرما وران

50- تئی زید و چراگین سولدران

گریشگ گون كاش و كلدران

یگ گون نه لد ین هشتران

اسب و هزاری كره بر آن

بز گل گون میش و میهران

55- مهری گون پل پاكران

كیره گون پیلی باهران

داچی گون بی گومسین جران

كاینت چه زیده زانزران

پرٌ اب و ت اب و ت اهران

60- گامیش گون دیهی ددران

نا هنجمین كاریگران

گوننت شریك و نوكران

تئی سربلندین مهتران

راج ء كماشین سروران

65- صاحب دلین دل پروران

تئی مان میاتكین كنگران

نوجوانان گون شیری تیتران

برانزء گرنت چو اشكران

پشت ء نكنزنت چوتكران

70-تئی مهربانین مادران

سیر دینت شیر گلٌران

بلكین كپنت روچی گران

بكشنت سرءَ په برادران

تئی مه لكاین دحتران

75- پاكنت چو آپی گوهران

چیرنت چه چشم احتران

عهدش كتگ گون شوهران

مری نه دكٌت ماپران

ای مكران ای مكران

80-دائم په تئی یادءَ رزان

تئی مت نانت مازندران

وصپ ات كنان دان دم بران

هِچبر مباتی لیٌمران

دنیا ء گشت و چكران

85- سوچ بی اعتبارین منكران

شیطان ءِ یبل و برادران

شیپنت تئی نام ء مان پران

تئی صاحبی گپٌ وتران

نقشنت مه كهنین دپتران

90- گون انت گشوكین شاعران

شنگنت مه كند و كشوران

جی مئی وتی ملك كهن

میرین بلوچان وطن

رشك یمن داغ ختن

95- دوستی بسی نزدیك من

تئی دوك و د ل درٌ عد ن

گز و كنز و سرو سمن

بیاتو بكن گون ما سخن

آگوستگین گپٌان بجن

100-تئی پاریكین ورنا كُجنت

دریا دل لشكر شكن

از گردش دهر دورنگ

شُت از جهان ءنام و ننگ

دنیا مج و تاریك وتنك

105- زرتگ بدان رسم پرنگ

كپتگ چه شاگان نر پلنگ

پروشتگ گمانی شیرانی ونگ

رتكنت چه بازان بال چنگ

جوشءَ جننت كانگشك و كنگ

110- دنیا پریب پوشنگ

لجٌ و حیا ء باركتگ

بارین بلوچ چو پتتگ

حیران و حشكنت گتتگ

نظرات شما عزیزان:

رضا

ساعت14:10---22 شهريور 1391

- [ایمیل]

};-سلام اميدوارم حالتان خوب باشدواقعا سايت جالبي است.بلوج باوفاوشجاع

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: